Transcription
1
Reçue à Grenoble, le 03 mars 1573.
2
Monsieur, jay repceu la votre par ce porteur du IXe du present et suis très aise
3
d’avoyr entendu de votre bon portement et en rendz graces à Dieu et luy
4
prye vous y tenir longuement. Nous en sommes de mesmes par sa grace.
5Messieurs de St Sernin et de Cabanes sont ung peu refroydis. Il [barré : l ] faict
6
en ces cartyers extrême froid. Je massure qu’an Daulphiné n’en faict pas
7
moins. Les bledz commensent seulement à sortir. Noz enfens se portent
8
le mieux qu’on scauroyt desirer, Dieu merci, comme vous dira ce porteur.
9
Je me suis tousiours doubtée que mal aysement vous poryés resouldre
10
de vostre partement. Il sera quand il plairra à Nostre Seigneur.
11Bien vous puis assurer que ne [barré : sceu ] scaura estre si tost que je voldrois. Jay
12
escript au rentier de Cabryères pour entendre sil estoyt rebdevable
13
à monseur de Caderosse. Il ma mandé que ne luy doibt rien jusques
14
à la Magdelène prochane. Je nay point de novelles de ceux d’Oranges.
15
Prenés vous garde que la retardation de ne leur demander par justice
16
ne vous porte dommage. Et en cest endroit, je me recommande
17
de fort bonne cœur à vostre bonne grace, sans oblyer celle de
18
madame de Gordes. Je rendz graces à Notre Seigneur de ce que noz escolliers
19
se portent bien et fault que je vous dye que je suis en grand
20
peyne de ceulx qui sont à La Rochelle. Je prye Nostre Seigneur les
21
volloyr tenir en sa sainte garde et proctetion. Je vous prye me faire entendre
22
de leurs novelles quand vous en haurés, que devés penser si cela me
23
augmente mes grandz ennuys. Nostre Seigneur soyt loué de tout ce quil
24
luy plaict me donner et luy plaise me donner patience. De
25
Gargas, le XXVIe fevrier 1573.
26
Votre mère
27
Pierre de Ponteves